T a j m i l t   i   Y i d i r 

yir lfal

Yir lfal 

Yir lfal icar-itt teẓmek

Deg wul yettḥeccir wakud

Zdaxel ufwad i la tḥebbek
Ur d-tecliɛ s wayen i s-ibudd
Tafukt nejjem tessebrek
aɣurar ibges icudd
d imaɛlalen iɣef tecbek
am teksumt iqqed useffud

© Makhlouf Boughareb

Illustration : Dali, persistance de la mémoire

Tahar Djaout s Teqbaylit

1. "  Tusam-d ad aɣ-tesluɣem tamduct, ad aɣ-tessimsem imeẓri ideg nuɣ tannumi nettidir . Nekni yettgabaṛen ipanṣyunen n lgirra, tiḥuna, ttriḥ n tawilat n usiweḍ, asɣaten n wakal, akal n lebni, isufar n Timeṣkiwt ; Nekni yeččan aglim-nneɣ d tazzla deffir isufar yuqan am wudi, tinanasin, aseqqi aquran, ṛṛwaḍ i tkeryas. Amek tebɣiḍ, amek , di laɛnaya-k ad as-d-afeɣ amkan i usnulfu-agi-inek deg ddunit-agi n wat uḥelqum ?
2. Deg yiwet n temnaḍt n “ Henni-ni nhenni-k “ n Lezzayer Tamanaɣt, yiwen n uselmad ilemẓi ismeckukulen akka d wakka , isnulfa-d yiwet n tmacint. Akken yekker ad yaru igi , hedfen-d fell-as wuguren , bdan la t-ttkukrun , ḥesben-t d bu tlufa , d amcum . Almi d asmi d asen-d-nnan at leḥkem telha tmacint, ters-d talwit dayen …
3. Akka , issefk daɣen ad d-afen amcum ara ixellsen tiẓẓilla "

Tahar DJAOUT: Les Vigiles, Editions de Seuil, 1991

Tukkist si tebrat i Muḥend Azwaw yura Dda Lmulud

La tzeḥḥel
La treggel
D azlam yessaɣen times

La tjeffel
Ulac aqeggel
Irij yers-as af yiles

D axayel
Am teryel
di tmucuha kan i nsel yes-s

© Makhlouf Boughareb

azul
Atan uɣaleɣ-d ad kemmelɣ tira deg ublug-agi . 

http://www.edilivre.com/communaute/2014/01/06/makhlouf-boughareb-dans-le-dauphine-libere-pour-son-ouvrage-lenfer-un-peu/