23/04/2010
ittmettat d turdas--S ɣur Pablo Neruda ( d tasuqqilt)
Ittmettat d turdas
win ur nettinig ara
win ur neqqar ara
win ur nsell i uzawan
win ur nessin ad d-yaf swallen-is
Ittmettat d turdas
win i tetten di nnif-is
win ur nettaǧǧa win ad yallen
Ittmettat d turdas
Win irran tannumi d azaglu
Win issnen kan yiwen ubrid
Win ur nettbeddil ara imensi
Win ur nettbeddil ara talaba ɣef yir-s
Win yettɣunzun ɣas ur k-issin
Ittmettat d turdas
Win yettagin ad iḥemmel
I ittagaen tilufa n tayri
Tiggad yessaɣayen ifettiwjen deg wallen
Am tafat yessejin ulawen ijerḥen
Itmettat d turdas
Win ur nettbeddil abrid
Mi ara yendef wul-is
Deg umahil neɣ mi ara ittiri
Win yettagaden tili-s
Win ur nessawaḍ ɣer tirga-s
Win ur nerwil di tudert-is
Ula d yiwen wass i yiwenniten n lɣir
Idir tura !
Erẓ asalu ass-a
Cemmer i yiɣallen tura
Ur ttmettat d turdas
Idir ayla-k n tumert
S ɣur Pablo Neruda ;
Irra-t-id ɣer teqbaylit Mexluf BUƔAREB
13/04/2010
INIG
Tudert-nneɣ
Tudert-nneγ
annect n yiγeẓran
annect n waḍu
mi ad ittuḍu
ger iγunam
tudert-nneγ
annect n tayri
kra yekka wass
ur tettnefḍas
ut tettmuγi
tudert-nneγ
annect n yimurar
annect n tafat
mi la d-tekkat
tiγezza idurar
tudert-nneγ
ur tfennu
ur tettfukku
annect n usaru
n tmacahutt
Tudert-nneγ
mači kan d inzan
tikli i yizilan
n yitbiren ungifen
i ileqqḍen iwzan
Tudert-nneγ
tugar aγilif
tugar iḥulfan
i aɣ-d-yennulfan
mi nezger asif
Tudert-nneɣ
D annect-a n tebɣest
D annect-a n usirem
I d-yemmaren
fell-aɣ d ihedman .
Inscription à :
Articles (Atom)
T a j m i l t i Y i d i r
-
Yir lfal Yir lfal icar-itt teẓmek Deg wul yettḥeccir wakud Zdaxel ufwad i la tḥebbek Ur d-tecliɛ s wayen i s-ibudd Tafukt n...
-
La tzeḥḥel La treggel D azlam yessaɣen times La tjeffel Ulac aqeggel Irij yers-as af yiles D axayel Am teryel di tmucuha kan i nsel ye...
-
Tamacint n tudert Ussan agi yezrin ɣriɣ yiwen udlis anda tudert tettak anza ɣer yinig di tmacint … Acek-it ! -Tudert amzun d inig d...