iktayen n tefsut

S kra yeddan

d imneggef

ass-mi

fellaγ tengedwa

ẓemken

ayen-din tagnitt

Nemyuzzam s tammiwin

Γunzan-aγ

imi nedda

negla-d s ufud

i tmaziγt

Snezγen yiffassen

imcumen

ayen akk nesεa d iseγ

nguggin igenwan

ahat fellaγ

ttnegnigen

ass-mi γ-wwin

s asekraf

d allen kan i yesmiglizen

s kra yellan

d imserref

ass-mi

yidneγ

tennuγna

wa yelha-d

d-useknef

deg weftis di tzegwa

abbuh

igenni yessef

Nekni

s tarwa

n uzayaḍ

i wiyaḍ

nga iswi

nura

nennuγ

nessuli

alarmi i-γ-terrez tayett

tban-ed tfawett

akin i tfidi

D imenfiyen

Nennejla

ur nukir

ur nenγa

nteddu

s tusmi.

ddan yidneγ

iγilifen

neteḍen

am tbarda am tlaba

D inekrafen

di tallit

deg wakud

am deg waluḍ

nsehbubuḍ

S kra yeḥlan

yelleḍ

s aseknaf

yecceḍ

D igejduren

d ihedman

atta-n tallit

a lxir inu

Yal yiwen

i yiman-is

neddukel

ur nemyussan

yiwet lhara

ur nettemyekcam.

D inekrafen

deg yizen

di tallitin

yettazalen

ger wussan

yenzan

yessneγ glan.

d inekrafen

i yizilan

d tirinin

d tadliwin

n yitijen

i-d nettagem.

d arrac

iteddun

d abrid

garawen

ay arrac

iwumi jelqen temẓi

d arrac

yettaklen akud

yidwen d abrid

ay arrac

yuker ufud.

asyax

ASYAX

Tafekka yeknan

amru yelman

deg wagu

Iẓri iwalan

Aεeẓẓug yeslan

i wsefru

Izri yenzan

ssuq isakan

ay aẓru ru

Tirẓi n waman

tigmi n yisegman

tikli n yifker

Agellid n waman

ageddid n yizerman

tiṭṭ mi tesger

Irgazen nzan

uγalen knan

ay aglim deṛ

Daεwessu n yiḍan

tudert n yimawlan

γef la tnedder

taεrict n yikufan

tirect n yilefdan

n wi’yejebbden inzer

iri iwumi dεan

taruẓi n yiceqfan

ur ğğan iger

Tirga n umeḥbus

lexdaε n lmus

tiyita n ṭṭlam

Tudert n utarus

snesla deg ufus

Si lmerta s axxam

i yennayer

Γas tayett

D tameṛzut

Ad teḥlu tefsut

Talwit tizeḍt i wussan

Umneγ

Ad d-tas

Tsatut

Ad d-taf

Tasarut

I nḍeggeṛ ger iberdan

Deg ucmumeḥ

Ad nessugut

Alamma

Nesrut

Umqennin i-γ yesnuγnan

amulli ameggaz a mmi

amulli ameggaz i mmi amaziγ

Ass-a i yessaweḍ 13 iseggasen di laameṛ-is .

Ilul ass n 20 di yebrir 1995

tafsut nni

Tafsut

n useggas nni

am akken

d lemri

yugaden ad yedderγel

La tesmigliz

γef tiγri

i-d nger idelli

nettaggad ad aγ terwel

Nugad

m-ara ad-nakwi

ad tt-id naf teγli

di targit m-aγ-d siwel

Tafsut

nni yerked udar

i cudden imurar

xenqentt ifassen di ttlam

Teğğa yaγ-d

d imengar

arkas yetturar

γef udar nni yelhan

Am lefnar

la tt-netthadar

terrez-aγ am ufexxar

deg yirebbi gran-d iceqfan

Tafsut

nni iεaddan

am win ihettben itran

ssbeh qbel ad yali wass

Am umakrad

i-d ufan

deg wayla n yimawlan

s uεekkaz ddan-tt fellas

Teddaray

deffir wussan

ifat-itt lawan

yezzi-d useggas nuyes

Tasusmi

txutel-d ussan

id yefka izuran

ikka-d γef webrid

d afrag

deg was

irgazen nzan

i rrehba n wadan

ayen i-γ-d yegran rzag

la nsel kan

i

ssefran

wid i-γ-d ğğan

bedden γas nekkni nuccag

ANAZUR

ANAZUR

Tgiḍ-as iman

i usefru

i wanza

n waḍu

tuqmeḍ-as tisulal

Tettekiḍ

di truzi

n usalu

tugadeḍ a-γ yenfu

aṭṭas i yeswa wawal

Γurneγ

m-ara d-ijebbu

s wannuz d usuγu

keč tuqmeḍ-as azal

TUDERT

Ddreγ

ger

wussan yezrin

d

wid

i-d-yettazen

ddiγ

d

wid

yeγlin

d

wid

i d-yettnekkaren

A

yul

γurek

tifraryin

ussan

sani

ţdeggiren

Tazwert

Megreγ-d tirga

Deg wallen

D wawal

Yuzamen

A d-ilal

Wayen

Ur nelli


Ugmeγ-d imetti

Semmeden

Adal

Yucafen

Γef uslad

La yettali


Mmugreγ-d ifettiwjen

S yimi-w

La d-susufen

Yeγli-d fell-i yigenni